कामेरी ग्रामपंचायत मध्ये आपले सरकार सेवा केंद्र, कामेरी (डिजिटल काॅमन सर्विस सेंटर) च्या माध्यमातून विविध प्रकारची प्रमाणपत्रे, परवाने, अनुज्ञप्ती आणि इतर सेवा प्रदान केल्या जात आहेत. केंद्रचालक दाऊद अजीज तानेखान व त्यांचे सहकार्य तेजस्विनी खंडागळे, मोहसिन मुल्ला, मुबीना मगदूम हे सर्व जण नागरिकांना आवश्यक असणाऱ्या सेवेचा अर्ज ऑनलाईन भरून देतात आणि नागरिक आवश्यक त्या सेवा कोणत्याही अडथळ्याशिवाय प्राप्त करतात. खाते उतारा, 7/12 उतारा, रहिवासी प्रमाणपत्र, उत्पन्न दाखला, अंपग दाखला, अंपग प्रमाणपत्र, वय, राष्ट्रीयत्व व अधिवास दाखला, जेष्ठ नागरिक, जातीचा दाखला, साधारण शपथपत्र, हाॅटेल परवाना, भाडेपट्टा करार पत्र, असे सर्व प्रकारचे दाखले प्रमाणपत्र, रेशन कार्ड, पॅन कार्ड, आधार कार्ड, आयुष्यमान भारत कार्ड, सर्व प्रकारचे प्रतिज्ञापत्र, गॅझेट (राजपत्र), निराधार पेशन योजना, फुड लायसन्स, उदयोग आधार कार्ड, शाॅप ॲक्ट लायसन्स, बॅक सेवा - युनियन बॅंक ऑफ इंडिया, HDFC, मध्ये नवीन सेव्हीग व कंरट खाते चालु करणे, पैसे भरणे-काढणे, अशी 200 पेक्षा जास्त प्रकारच्या अनेक उपयुक्त कागदपत्रे आपले सरकार सेवा केंद्रांच्या माध्यमातून नागरिक प्राप्त करीत आहेत. यासाठी त्यांना लांबच लांब रांगा लावायची गरज नाही आणि प्रमाणपत्र प्राप्त करण्यासाठी कार्यालयात असंख्य फेऱ्याही माराव्या लागत नाहीत. ही संपूर्ण प्रक्रिया वेळेचीही बचत करते